Gjykata e Posaçme Kundër Korrupsionit dhe Krimit të Organizuar ka shpallur fajtor ish-deputetin socialist Jurgis Çyrbja për disa vepra penale.
Çyrbja u shpall fajtor për tregim të sekretit shtetëror, përkrahje të autorit të krimit në katër episode, si dhe për korrupsion në zgjedhje.
Në bashkim të dënimeve, GJKKO vendosi 3 vite burg, të cilat zbritën në 2 vite pas përfitimit nga gjykimi i shkurtuar.
Në të njëjtën çështje, Altin Hajri u shpall fajtor në mungesë për korrupsion në zgjedhje dhe tregim të sekretit shtetëror, duke u dënuar me 3 vite burg, të reduktuara në 2 vite për shkak të gjykimit të shkurtuar.
Ndërsa Ahmet Masha u shpall fajtor për tregim të sekretit shtetëror dhe përkrahje të autorit të krimit, duke u dënuar me 2.6 vite burg, të cilat u ulën në 1.8 vite pas gjykimit të shkurtuar.
