Gjykata e Korçës ka lënë në burg pa afat ish-drejtorin e burgut të Fushë Krujës Durim Toska.
I akuzuar për dhunë në familje dhe armëmbajtje pa leje, Toska u arrestua para 3 ditësh në qytetin e Pogradecit.
Burime bëjnë me dije se avokatët e 52 vjecari kanë kërkuar një masë më të butë sigurie, kërkesë e cila nuk është marrë parasysh nga gjykata e Korçës.
Lexo edhe: Armë dhe dhunë, arrestohet drejtori i burgut të Fushë-Krujës
Nga ana tjetër i dyshuari për dhunë në familje Durim Toska ka mohuar akuzat e ngritura nga prokuroria e Korçës madje në seancën e dhënies të masës së sigurisë ka bërë me dije se nuk ka pasur dijeni për praninë e pistoletës në oborrin e shtëpisë së tij në fshatin Piskupat të Pogradecit.
Nga ana tjetër mësohet se bashkëshortja e 52 vjecarit ka tërhequr akuzën për dhunë ndaj saj nga bashkëshorti Durim Toska./vizionplus.tv
