Ministrja e Arsimit, Ogerta Manastirliu, e cilësoi hapjen e Kolegjit Evropian në Tiranë se Shqipëria ka bërë një hap monumental.
Manastirliu tha se elja e zyrës së Kolegjit të Evropës në Tiranë tregon rëndësinë e Ballkanit Perëndimor dhe është dëshmi e angazhimit të Shqipërisë ndaj idealit evropian.
“Sot jo vetëm kremtojnë ngritjen e një pranie fizike, por rikonfirmojmë angazhimin e përbashkët. Kolegji i Evropës ka qenë kyç për të arsimuar disa breza udhëheqësisht, diplomatësh dhe studiuesish e për më shumë se 7 dekada ka qenë si dëshmi ndaj angazhimit të qëndrueshëm ndaj idealit evropian.
Nuk është vetëm transferim dijesh, por është mbi të gjitha kultivimi i një mendësie që përqafon ndryshimin, novacionin dhe bashkëpunimin. Duke ngritur një prani këtu në Tiranë, Kolegji i Evropës njeh rëndësinë e Ballkanit Perëndimor në kontekstin më të gjerë europian”, u shpreh ajo.
Ministrja deklaroi se kjo nismë do të fuqizojë brezin e ardhshëm të udhëheqësve, diplomatëve dhe studiuesve nga vendet e Ballkanit Perëndimor, nga Evropa e më gjerë për tu bërë katalizatorë të një ndryshimi pozitiv.