Presidentja e Komisionit Europian, Ursula Von der Leyen, në një konferencë në prezencë të kryeministrit Rama, foli lidhur me hapjes e një dege të re në Tiranë të Kolegjit prestigjoz Europian të Bryzhit. Ajo theksoi se fokusi do të jetë tek studentët, ndërsa kjo nismë do t’i afrojë ato me parimet e BE.
“E mbaj mend shumë mirë i dashur Edi kur ishit ju ai që lançuat vjet idenë e mrekullueshme për të pasur një degë të Europës këtu në Tiranë, në kryeqytetin tuaj të mrekullueshëm. Ishit ju që e patët këtë ide dhe e mbaj mend kur folëm dhe vizionit e përcollët shumë mirë. Edhe a ka mënyrë më të mirë për t’u përgatitur se kjo ku Ballkani Perëndimor është në BE? Sesa kjo këtu për të edukuar brezin e ardhshëm. Kështu ne filluam punën, qeveria juaj, KE dhe Kolegji Europës. Ne folëm me kolegjin dhe rektoren fantastike Federika Mogherini. Edhe një vit më pas ja ku jemi, duke krijuar themelet e Kolegjit. Ne nesër do të hapim degën e kolegjit, prandaj të përqendrohemi te ata që do t’i japin jetë kolegjit që janë studentët. Për këtë arsye ishte vërtetë kënaqësi e veçantë për mua të çelnim vitin 2024-2025 të studimeve”
Von Der Leyen dha lajmin e mirë se do të ketë bursa për studentët e Ballkanit Perëndimor.
“Ju e thatë vetë kjo është dega e tretë e kolegjit. 31 studentë do të jenë pjesë e kurist master. Por kam kënaqësië tu njoftoj se do të kemi bursa për studentë të Ballkanit Perëndimor”, shtoi Von Der Leyen.
Ministrja e Arsimit, kryeministri e presidentja e KE janë të pranishëm në ceremoninë e hapjes së një dege të re në Tiranë të Kolegjit prestigjoz Europian të Bryzhit, në prag të samitit të BE në Shqipëri.
