Humbi jetën punonjësi, arrestohet administratori i fasonerisë në Thumanë

Administratori i fasonerisë, ku humbi jetën ditën e djeshme një 33-vjeçar, është vënë në pranga.

33-vjeçari, Taulant Dika humbi jetën teksa punonte në fasonerinë e ndodhur në Fushë Thumanë. O ndjeri u godit nga një pjesë e makinerisë me të cilën po punonte. Si pasojë e plagëve të marra, 33-vjeçari ndërroi jetë.

Njoftimi i plotë:

Specialistët për Hetimin e Krimeve të Komisariatit të Policisë Krujë arrestuan shtetasin F. K., 48 vjeç, banues në Krujë, administrator i një fasonerie në Fushë Thumanë, pasi ditën e djeshme, në këtë fasoneri, shtetasi T. D., 33 vjeç, duke punuar me një makineri, është goditur nga një pjesë e makinerisë dhe për pasojë ka humbur jetën.