Këshilli Mbikqyrës i Bankës/ Komisioni i Ekonomisë kalon Anastas Angjelin dhe Natasha Ahmetajn

Ish-ministri i Ekonomisë, Anastas Angjeli, si dhe zv.Guvernatorja aktuale, Natasha Ahmetaj, do të jenë zyrtarisht dy anëtarët më të rinj të Këshillit Mbikqyrës në Bankën e Shqipërisë.

Komisioni i Ekonomisë miratoi dy kandidaturat, të cilat tashmë i kalojnë parlamentit për votim.

Për dy vendet vakante aplikuan 17 ekonomistë, por komisioni miratoi me shumicë votash Angjelin dhe Ahmetajn, kjo e fundit me një mandat të dytë si anëtare e këshillit.

Ndërsa, Angjeli zëvendëson Tonin Kolën, të cilit i përfundoi mandati.

Këshilli Mbikqyrës është instanca më e lartë në Bankën Qendrore që miraton politikën monetare. Anëtarët e tij kanë një mandat 7-vjeçar.