Krim i tmerrshëm në Shkodër/ Nëna lind djalin dhe e hedh në lum pas 8 ditësh

Një ngjarje e rëndë ka tronditur mëngjesin e kësaj të shtune qytetin e Shkodrës.

Një foshnjë vetëm 8 ditëshe është hedhur në lumë nga nëna e saj.

Policia ka arrestuar gruan 32-vjeçare Orjana Gremi, e cila akuzohet për vrasje me dashje.

Agjentët kishin marrë informacion se e reja e kishte braktisur foshnjën e saj vetëm 8-ditëshe.

Pas kërkimeve, trupi i vogëlushit u gjet në lumë, pranë Postribës.

Orjana Gremi, e pamartuar, jetonte me dajën dhe pas lindjes në maternitet, nuk i kishte shënuar atësinë djalit.

Ajo ishte shprehur se nuk kishte ku të linte fëmijën e në këto kushte, kishte vendosur ta braktiste duke e hedhur në lumë.