Kreu i Kadastrës, Artan Lame, është kundër fushatave të rivlerësimit të pasurive me një tatim të reduktuar.
Sipas tij, për të patur një funksionim normal të tregut është e nevojshme që të ulet tatimi mbi fitimin, i cili sot për shitje-blerjen e një pasurie është në nivelin e 15%.
“Në qoftë se do të ulim taksën në një nivel që unë nuk di ta them pasi kërkon një analizë ekonomike, atëherë rivlersimi nuk do të ishte i nevojshëm. Supozojmë se taksa ulet në 6 apo 8% çdo qytetarë nuk do të presë më, por do ta paguajë atë të taksë. Në këtë mënyrë do të ligjërohen dhe formalizohen më shumë prona në vend”, u shpreh Lamë
Deri më sot janë aplikuar 5 fushata rivlerësimi pasurie ndër vite, ku mijëra qytetarë kanë përfituar, por ato bëjnë që tregu të frenohet në pritje të fushatës së radhës.
Taksa prej 15 % konsiderohet e lartë, ndaj dhe qytetarët nuk kryejnë shit-blerje sepse mendojnë se do të ketë një rivlersim të radhës. Ose gjejnë mënyra jo ligjore, me noterët për të ulur vlerën e pronës, në mënyrë që ti shmangen kostos së tatimit.
Gjatë një analize për ecurinë e vitit 2022, Lame u ndal edhe tek efekti që po jep në treg aksioni për të konfiskuar ato pallate që kanë devijuar nga leja e ndërtimit.
Për mua ai akson ka dhënë një një efekt të jashtëzakonshëm në uljën e shkeljeve për lejet e ndërtimit që janë në process zbatimi. Ky aksion jep mesazhin që kur goditën oligarkët atëherë kujtdo do ti vijë radha. Unë jam pro kësaj mase.
Agjencia e Kadastrës ka dërguar në prokurori për vitin 2022 disa raste për tjetërsim prone, konkretisht në Tiranë, Vlorë dhe Durrës.
