Lihet në burg “Reqi” i “5 dyqaneve”

Gjykata e Posaçme ka lënë në qeli Elton Goskovën, i njohur si “Reqi i Korçës”. Mbrojtja kërkoi zëvendësim të masës së sigurisë, nga “arrest me burg” në “arrest shtëpie” e gjithashtu “garanci pasurore”. Por  asnjë prej kërkesave nuk u pranua.

Arrestimi është bërë me urdhër të spak pas dyshimeve se goskova ka tentuar të manipulojë dëshminë e të penduarit të drejtësisë, Luftar Reçi.

Ai akuzohet si bashkëpunëtor në atentatet ndaj Vajdin Lames,Artan Arsit dhe Klodian Saliut, vrasje që u zbardhen fale dëshmisë së Reçit.

Goskova ështe i dyshuar për një sërë ngjarjesh kriminale dhe është ish-anëtarë i bandës famëkeqe te ‘5 dyqaneve’ në korçë. Po ashtu Elton Goskova është arrestuar në Itali, vite më parë për shfrytëzim prostitucioni.