Kryetari i Partisë së Lirisë, Ilir Meta ka akuzuar drejtuesin e Prokurorisë së Posaçme, Altin Dumani se po i shërben politikisht kryeministrit Edi Rama.
Pasi Dumani sqaroi gazetarët se nuk është takuar asnjëherë me ish-zyrtarin e lartë të FBI-së McGonigal, Meta përsëriti akuzat ndaj drejtuesit të Prokurorisë së Posaçme.
“Pse çfarë prisni ju që të thotë kushëriri i Nuredinit, që kam takuar McGonigal. Pse ç’prisni ju që kushëriri i Nuredinit ka shkuar në fier të takonte Kastirot Ismalilaj, që t’i kërkote të dëshmonte kundër Metës”, tha kreu i PL gjatë një konference për mediet.
Meta e ka cilësuar drejtuesin e SPAK si vrasës të pluralizimit.
“Nuredini, ka më shume integritet se kushëriri i tij sepse ky është zgjedhur per t’i shërbyer drejtësisë. Ky karafil mendon se mund te bëhet një vrasës i suksesshëm i pluralizmit në vend”, tha Meta.
Meta ka deklaruar se është gati të përballet me Prokurorinë e Posaçme.
“Une jam Ilir Meta o superbudallenj, që më çon mua patronazhistë e me thote ik si Arben Ahmetaj se do e kesh keq. Ai do ta kete keq”, deklaroi kreu i PL.
Por Ilir Meta ka akuzuar edhe figura të partisë së tij pa përmendur emra se po bashkëpunojnë me SPAK
“Laraskat mund t’i kapin ata, por Partia e Lirisë ka 300 mije Vojo Kusha”, deklaroi Meta./vizionplus.tv