Tiranë- Gjashtë persona në Tiranë, tre prej tyre vëllezë, kanosën dhe shantazhuan një 29-vjeçar dhe familjarët e tij me pretendimin se i riu u kishte një shumë parash borxh.
Ditën e djeshme, policia arrestoi njërin prej vëllezërve, Ersi Cekani, 26 vjeç, ndërsa shpalli në kërkim vëllanë tjetër, Ardi Cekani. Arben Cekani, së bashku me tre persona të tjerë u procedua në gjendje të lirë.
Gazetari i Vizion Plus, Esido Barkaj mëson se Ardi Cekani vijon të jetë në kërkim nga Komisariati nr 4.
Ka qënë vetë 29-vjeçari, i cili ka kallëzuar pranë policisë se kërcënohej nga vëllezërit Cekani për një borxh të pashlyer.
I arrestuari bashkë me dy vëllezërit e tij, prej kohësh kanë kërcënuar të riun duke pretenduar se u ka një borxh prej 30 mijë eurosh marrë në Spanjë. Policia po verifikon dhe burimin e të ardhurave.
Cekani i dërgonte mesazhe duke i thënë se do e vriste të riun nëse nuk i kthen lëkët që i ka borxh. Madje Cekani e ka ndjekur duke i fotografuar dhe banesën si formë kërcënimi.
Ditën re djeshme 3 vëllezërit nga Librazhdi kanë marrë 3 shokë të tjerë dhe kanë ardhur për të kërcënuar sërish të riun.
3 vëllezërit nga Librazhdi janë me precedent kriminal për armëmbajtje pa leje dhe vepra të tjera penale./vizionplus.tv
