Përgatitet një amnisti penale/ Manja: Shpërblim për 54 ish të përndjekur politike 

 Qeveria është ende në diskutime nëse në fund të vitit do të ketë një amnisti penale. Ministri i Drejtësisë, Ulsi Manja, deklaroi se ende nuk ka një vendim për të.

Në mbyllje të mbledhjes së qeverisë kreu i drejtësisë bëri me dije se është miratuar dëmshpërblimi financiar për 54 ish-të përndjekur të regjimit diktatorial komunist.

Po aq qeveria vendosi që për nënat e papuna me tre fëmijë deri në 5 vjeç dhe që kanë të ardhura nën 100 mijë lekë, kontributet shëndetësore dhe shoqërore do të paguhen nga shteti. Mbështetja financiare do të jetë për 5 vite dhe do të nis zbatimi nga viti i ardhshëm.