Ministri i Brendshem Bledi Çuçi ishte nje nga zerat e shumte te mazhorances qe reaguan fort pas lajmerimit te Berishes se opozita do te zhvillonte nje proteste ne 6 dhjetor, dite ne te cilen vendi yne pret Samitin e BE me vendet e Ballkanit Perendimor.
Çuçi thote se vetem nje antishqiptar si Berisha mund ta beje nje gje te tille duke kerkuar te turperoje vendin para nje ngjarje kaq madhore.
Vetëm një antishqiptar si Sali Berisha, që i do të keqen këtij vendi nga dëshpërimi i non gratës dhe i rublave ruse që i dolën sheshit, kërkon të turpërojë Shqipërinë më 6 dhjetor, ditën kur Tirana mirëpret për herë të parë Samitin e Bashkimit Europian me vendet e Ballkanit Perëndimor. Në grahmat e fundit politike të tij, ky njeri nuk le rast pa tentuar për t’i bërë një tjetër të zezë Shqipërisë, fiks si të ishte një Konsull famëkeq i Vladimir Putinit. Jam i bindur se edhe mbështetësit e Partisë Demokratike, të cilët mund të kenë shumë arsye për të qenë opozitarë me qeverinë, do ta braktisin Sali Berishën në aktin e tij të radhës për t’i lënë Shqipërisë një tjetër damkë turpi në sytë e gjithë botës. Sigurisht që Tirana atë ditë do jetë kryeqyteti më i sigurt, më miqësor dhe më mikpritës i Europës.