
Një 53-vjeçar me iniciale A.K është lënduar pasi është goditur nga një fadromë.
Burime të siguruara pranë vendit të ngjarjes bëjnë me dije se 53-vjeçari A.K ka qenë duke pushuar në breg të liqenit kur papritmas është goditur nga njëra prej gomave të mjetit që po punonte për pastrimin e bregliqenit.
Nga goditja mësohet 53 vjecari ka marrë dëmtime në kokë dhe shpatull, i cili ndodhet në spitalin e Pogradecit, ku po i jepet ndihma e parë mjekësore.
Burime nga spitali nuk kanë bërë zyrtarisht gjendjen e 53 vjecarit me dëmtime serioze në kokë dhe shpatull.
Policia ndodhet në vendin e ngjarjes dhe po heton për shkaqet e ketij aksidenti. Drejtuesi i mjetit pastrues është çuar në komisariatin e Pogradecit ku po merret në pyetje nga oficerët e policisë gjyqësore lidhur me ngjarjen.
Pogradec/Informacion paraprak
Rreth orës 13:50, në vendin e quajtur “Plazhi”, mjeti fadromë që shërben për pastrimin e mbetjeve liqenore, me drejtues shtetasin D. P., 31 vjeç, ka goditur aksidentalisht shtetasin A. K., 53 vjeç (pushues), i cili si pasojë është dëmtuar dhe ndodhet në spitalin e Pogradecit, në kujdesin e mjekëve.
AdvertisementNdërkaq, drejtuesi i fadromës, shtetasi D. P. është shoqëruar në Komisariat, për kryerjen e veprimeve të mëtejshme procedurale.
Grupi hetimor vijon punën për zbardhjen e rrethanave të kësaj ngjarjeje.