“Rrëzohen” satelitët e Ramës/ Qeveria anulon tenderin: Ofertat nuk plotësojnë kriteret

Qeveria ka njoftuar anulimin e tenderit për satelitët.

Tenderi është anuluar me arsyetimin se asnjë nga ofertat e paraqitura nuk përputhet me kriteret e përcaktuara në dokumentet e tenderit.

Sipas kontratës realizimi I projektit do të bëhej brenda një afati kohor tre vjeçar ndërsa fondi ishte caktuar 671.760.000 lekë.

Projekti i satelitëve iu prezantua me bujë rreth një vit më parë nga kryeministri Rama i cili premtoi se do ti lëshonte në hapsirë brenda këtij viti.

Kryeministri madje edhe i kishte emërtuar satelitët me emrat përkatës “Albania1” dhe “Albania2”.

“Qeshni, qeshni. Kur të shikoni satelitët Shqipëria në orbitë dhe jo në mandatin tjetër. Vitin tjetër. Albania 1 dhe Albania 2”.– deklaroi Rama vitin e kaluar në sallën e Kuvendit.