Presidenti Bajram Begaj reagoi mëngjesin e kesaj te diele ne lidhje me ngjarjen e rëndë në Uzinën e armëve në Gramsh.
Kreu i Shtetit shkruan se po e ndjek me vemendje situaten duke qene ne kontakt te vazhdueshem me te gjitha strukturat e sigurise.
Begaj shton se ngjarja duhet zbardhur sa me shpejt per te parandaluar cdo akt tjeter qe tenton te cenoje sigurine kombetare.
Ngjarjen në uzinën e Gramshit po e ndjek me shumë vëmendje. Jam në komunikim të vazhdueshëm me strukturat e sigurisë, Shtabin e Përgjithshëm të Forcave të Armatosura, strukturat e shërbimeve informative dhe ato ligjzbatuese, të cilat i inkurajoj dhe mbështes për të vazhduar punën për zbardhjen e plotë të ngjarjes dhe parandalimin e çdo situate që cënon sigurinë kombëtare.Mirënjohje për dy efektivët e Forcave të Armatosura, të cilëve u uroj shërim të shpejtë, shkruan ne reagimin e tij Presidenti Begaj.