Ish kreu i Bashkisë së Durrësit Vangjush Dako ka kërkuar lirimin nga qelia.
Dako i cili akuzohet për shpërdorim detyre në dy raste ka apeluar masën e sigurisë në Apelin e Posaçëm dhe ka kërkuar një masë më të butë.
Deri më tani ende nuk ka një vendim, por është depozituar kërkesa e tij
Dako akuzohet se ka shkelur detyrën për një pallat 11 katësh, që ka ndërtuar shtesë pa leje si dhe për një tender për rërën në plazhin e Currilave, ndërsa ndaj tij zyrtarisht rëndojnë akuzat për ‘Shpërdorim detyre’ dhe ‘Falsifikim dokumentesh’.
SPAK në kuadër të hetimit të bërë mbi bazën e një kallëzimi të disa banorëve të një pallati të shembur nga tërmeti i 2019-ës, lëshoi pak ditë më parë 7 urdhër-arreste.
Ndërkohë, GJKKO zbuti masën e sigurisë për tre prej të dyshuarve, konkretisht vendosi masën “Detyrim paraqitjeje” për Diana Dedjan, “Arrest shtëpie” për Ardian Bulkun dhe “Arrest shtëpie” për Adnand Toçillën.
