Ashtu siç kishte njoftuar ambasada amerikane në Tiranë, Sekretari i Shtetit Anthony Blinken pritet të ketë një takim edhe me kreun e SPAK Altin Dumani.
Gazetarja e Vizion Plus, Enkelejda Mema ka siguruar pamjet e makinës së Dumanit përballë Piramidës, ku edhe pritet të bëhet takimi i shkurtër i tij me Blinken.
Gjithashtu gazetarja Enkelejda Mema bën me dije se të pranishëm kanë qenë edhe kreu i Inspektoratit të Lartë të Drejtësisë Artur Metani, kryetarja e Gjykatës Kushtetuese Holta Zaçaj, dhe kreu i Gjykatës së Lartë Sokol Sadushi.
Reforma në Drejtësi është një investim i amerikanëve në Shqipëri dhe takimi i Blinken me Dumanin vjen një ditë pasi ambasada amerikane priti gjykatësit e GJKKO-së duke i dhënë mbështetje të plotë për punën e tyre. /vizionplus.tv
