Policia e Shkodrës ka dhënë detajet e para në lidhje me ngjarjen e rëndë që u shënua në Dukagjin.
Blutë bëjnë me dije se ngjarja ka ndodhur në orën 18:45 minuta në Malin e Shoshit.
Zef Guri humbi jetë pak minuta pas ngjarjes, ndërsa djali i tij u nis në spital.
Shkodër/Informacion paraprak
AdvertisementRreth orës 18:45, në sallën operative të Policisë Shkodër ka ardhur një telefonatë se në malin e Shoshit, ishin plagosur me armë zjarri shtetasit Gj. G. dhe Z. G.
Shtetasi Gj. G. po transportohet në spital, për ndihmë mjekësore, ndërsa shtetasi Z. G. ka humbur jetën disa minuta pasi ka ndodhur ngjarja.
AdvertisementShërbimet e Policisë, së bashku me grupin hetimor, janë nisur menjëherë për në vendngjarje, por për shkak të largësisë dhe të terrenit të vështirë nuk kanë mbërritur akoma.
Me mbërritjen e shërbimeve dhe grupit hetimor, në vendngjarje, dhe pasi të sqarohen rrethanat e ngjarjes, do të ketë një njoftim tjetër.
