Kreu i Partisë së Lirisë Ilir Meta ka qenë pasditen e kësaj të diele në Elbasan, ku ka prezantuar para demokratëve kandidatin për kryetar bashkie Luçiano Boçi.
Në fjalën e tij, Meta tha se rezultati për zgjedhje në këtë qark do të jetë 7 me 0 në favor të opozitës.
Meta shtoi se është krim që të lihen qytetarët bashkive të këtij qarku në dorë të Rilindjes.
“I dashur kryebashkiak i Elbasanit, Luçiano Boçi. Zgjedhjet në Elbasan kanë përfunduar që ditën kur Boçi la mandatin e deputetit për t’ju kthyer identitetin qytetarëve. Qyteti u nëpërkëmb nga sekti i Rilindjes. Ti nuk je vetëm përfaqësues i koalicionit tonë, por përfaqësues i opozitës qytetare elbasanas. Faleminderit që ke ndezur flakën e fitores në të gjitha bashkitë e qarkut të Elbasanit. Elbasani duhet të dalë 7-0. Është krim të lëmë popullin e Gramshit në dorë të atyre që zihen me grushte, apo atyre të Librazhdit që zihen për tenderat. Ndaj votoni kandidatët tanë.”, tha Meta.