Fëmijët nuk duhet të konsumojnë lëngje frutash në vitin e parë të jetës. Ky është alarmi që ngre “Akademia Amerikane e Pediatrisë”.
Ata këshillojnë që në 12 muajt e parë fëmijës të mos i jepen lëngje frutash, ndërsa nga mosha 1 deri në 3 vjeç, lejohet të konsumojnë deri në 120 ml, por të jetë 100% natyral nga frutat.
Prindërit mendojnë se lëngjet e frutave janë shumë të shëndetshme, por në të vërtetë ato nuk mund të zëvendësojnë frutat. Ato mund të jenë të mira në sasi të vogla për fëmijët mbi 1 vjeç. Nën këtë moshë, mjekët këshillojnë të mos përdoren fare.
Sipas udhëzimeve të “Akademisë Amerikane të Pediatrisë”, në gjashtë muajt e parë, qumështi i gjirit është mëse i mjaftueshëm që fëmija të marrë vlerat ushqyese që i duhen.
Pas 12 muajve, mund t’i jepni sasi të vogla të lëngjeve, por me kusht që të jenë 100% fruta ta shtrydhura pa substanca të tjera.