Mëngjesin e së enjtes, gjyshja e Rita Orës, Fatime Bajraktari, nga ana e nënës ka ndërruar jetë. Gjyshërit e Ritës nuk kanë qenë të panjohur për publikun, pasi këngëtarja është mbesa e Osman Bajraktarit, që në kohën e Ish-Jugosllavisë ishte konsull në Ish-BRSS.
Disa ora më parë, këngëtarja ka ndarë me ndjekësit dy foto me gjyshen e saj dhe i jep lamtumirën e fundit me një mesazh shumë prekës. Ajo e quan gjyshen një njeri shumë punëtor, joshësh dhe me shumë humor.
“E dashur gjyshe, ti ishe njeriu më joshës, njeriu më punëtor dhe i pavarur që kam njohur. Çdo ditë dilje shëtitje e veshur shkëlqyeshëm, merrje kafenë pa ndihmën e askujt!
Ajo ishte shumë e përkujdesur, shumëëëë e fortë dhe me shumë humor. O Zot sa qeshnim dhe kur i tregonte të vërtetat pa filtra. Falte dashuri dhe përkujdesej me gjithë zemrën e saj. Do më mungosh çdo ditë! Pusho në paqe pranë gjyshit, e di që do të na mbrosh dhe udhëzosh nga lart. Përpiqu të mos festosh shumë atje në Parajsë! Të dua gjyshe”, shkruan Rita Ora krahas postimit në “Instagram”.