Facebook-u ka nisur një program që ka një grant prej 40mln dollarësh për bizneset në pronësi të zezakëve, të cilët janë goditur nga pandemia COVID-19.
Kjo erdhi si pjesë e nismës për t’iu ndihmuar komunitetit të zezakëve, pas tragjedisë që ndodhi me George Floydin. Facebook-u planifikon të lëshojë 10 mijë grante për sipërmarrësit zezakë, dhe afati i fundit për të aplikuar është 31 gushti.
“Që nga hapja e aplikacioneve për këtë program kemi parë një interes të madh nga bizneset në pronësi të zezakëve, kështu që e dimë se ata po përballen me sfida të mëdha”, njoftoi Sheryl Sandberg, drejtoreshë e shërbimeve operative në Facebook.
Advertisement
