Ekipi gjerman nga Shërbimi Federal Kriminalistik i cili duhet të arrijë këto ditë përbëhet nga katër anëtarë edhe atë dy kriminalistë të forenzikës për hetimin e zjarreve dhe dy kriminalistë për matjen laserike të hapësirave dhe për fotografim.
Këtë e tha zëdhënësi i Qeverisë, Dushko Arsovski në konferencën e sotme për shtyp duke u përgjigjur në pyetje të gazetarëve në lidhje me ekspertët gjerman që do të përfshihen në hetimin për zjarrin në Spitalin e Tetovës.
Arsovski tha se në MPB përgatitet mbështetje në formën e mjeteve, drafteve, planeve dhe informacioneve të tjera relevante që mund të ndihmojnë në vërtetimin e fakteve.
“Ekspertët gjermanë do të punojnë bashkërisht me kriminalistët në MPB si mbështetje ndaj PTHP-së gjatë hetimit të vërtetimit të arsyeve për zjarri në Spitalin Modular në Tetovë”, theksoi Arsovski./Telegrafi/
The post Katër ekspertë gjerman do të përfshihen në hetimin për zjarrin tragjik në Spitalin e Tetovës appeared first on Telegrafi.
