Borë dhe ngrica, parashikimi i motit për këtë të shtunë

Ditën e sotme, moti do të karakterizohet nga kthjellime e vranësira të përqendruara në verilindje e jugperëndim.

Reshjet e dobëta të shiut do të përzihen me flokë bore. Ngricat e forta dhe mjegulla do të bëhen prezente që në orët e para të mëngjesit. Në zonat malore, ngricat do të qendrojnë gjatë gjithë ditës për shkak të vlerave negative.

Era do të fryjë me drejtim veri e verilindje 8m/sek, ndërsa në bregdet dhe përgjatë zonave luginore do të jetë e vrullshme deri 18m/sek, shoqëruar me valëzim në dete të forcës 3-4 ballë.

Temperaturat parashikohen:

në zona malore -11 deri -2°C

në zona e ulëta -3 deri 5°C

në zona bregdetare -1 deri 5°C