Dështojnë 6 raunde për Presidentin në Itali, sot tentativa e radhës, në garë gruaja e “hekurt” e Sherbimeve Sekrete

Gjashtë raundet e votimit për zgjedhjen e kreut të ri të shtetit në Itali dështuan, ndërsa vijojnë përpjekjet edhe këtë të shtunë.

Gjithnjë e në rritje është mbështetja për rizgjedhjen e presidentit Sergio Mattarella, i cili në raundin e gjashtë siguroi mbi 360 vota, edhe pse e ka refuzuar qartë një mandat të dytë.

Partia demokratike, lëvizja 5 yje dhe partia “Liberi e Uguali”, kanë vijuar takimin deri në orët e vona në mbrëmje ndërsa deklaruan se kreu i shtetit mund të jetë grua.

Mediat vendase bëjnë të ditur se bëhet fjalë  për drejtoreshën e shërbimeve sekrete, Elisabetta Belloni.