Mike Pompeo nesër në Tiranë/ Ish sekretarit amerikan të shtetit do t’i jepet “Honoris Causa”

Ish-sekretari amerikan i Shtetit, Mike Pompeo, viziton Tiranën të hënën.

Në këtë vizitë të parë në vendin tonë, ish-zyrtarit të lartë gjatë administratës së presidentit Trump, do t’i jepet titulli “Doctor Honoris Causa”. Titulli do t’i dorëzohet nga Universiteti i Tiranës në një ceremoni të posaçme që nuk do të zhvillohet në rektorat, por në një mjedis privat.

Ende nuk është njoftuar zyrtarisht nëse në agjendën e ish-sekretarit amerikan të shtetit janë parashikuar takime jo zyrtare me drejtues të lartë të vendit.

Vizita e parë e Mike Pompeo përkon edhe me nisjen e javës kulturore amerikane, ku Shtetet e Bashkuara të Amerikës dhe Shqipëria festojnë 100-vjetorin e marrëdhënieve diplomatike.