Presidenti amerikan Joe Biden u takua me gruan dhe vajzën e liderit të opozitës rus Alexei Navalny – i cili, sipas autoriteteve ruse, vdiq në një koloni burgu Arktik të premten e kaluar.
“Unë u takova me Julia dhe Dasha për të shprehur ngushëllimet e mia për humbjen e tyre të pariparueshme. Trashëgimia dhe guximi i Alexei Navalny do të jetojë përgjithmonë tek ata dhe njerëzit në të gjithë Rusinë, të cilët po luftojnë për të mbrojtur demokracinë dhe të drejtat e njeriut”, tha presidenti amerikan.
Today, I met with Yulia and Dasha Navalnaya – Aleksey Navalny’s loved ones – to express my condolences for their devastating loss.
Aleksey’s legacy of courage will live on in Yulia and Dasha, and the countless people across Russia fighting for democracy and human rights. pic.twitter.com/aiCcgTrws3
Advertisement— President Biden (@POTUS) February 22, 2024
Shtëpia e Bardhë njoftoi se Biden u takua me anëtarët e familjes së Alexei Navalny në San Francisko.
“Presidenti shprehu admirimin e tij për guximin dhe trashëgiminë e jashtëzakonshme të Alexei Navalny në luftën kundër korrupsionit dhe për një Rusi të lirë dhe demokratike ku sundimi i ligjit zbatohet për të gjithë qytetarët. Ai vuri në dukje se trashëgimia e tij do të ndihet nga njerëzit në mbarë botën”, thuhet në deklaratën e Shtëpisë së Bardhë.
Gjithashtu, u tregua se të premten administrata amerikane do të shpallë një paketë të re sanksionesh të ashpra kundër Rusisë në përgjigje të vdekjes së Alexei Navalny, represionit dhe agresionit rus, por edhe luftës dhe pushtimit të Ukrainës, e cila po hyn në vitin e tretë.
Këshilltari i Sigurisë Kombëtare i Biden, Jake Sullivan, tha të martën se sanksionet do të mbulonin një sërë fushash, duke përfshirë sektorët e mbrojtjes dhe industrisë, si dhe burimet e të ardhurave për ekonominë.
Familja e Alexei Navalny dhe vendet perëndimore dyshojnë në përgjegjësinë e shtetit rus dhe presidentit Vladimir Putin për vdekjen e kritikut të shquar të Kremlinit.
E veja e liderit të opozitës ruse, Alexei Navalny, Julia, njoftoi në një video-mesazh të publikuar të hënën se do të vazhdojë luftën e bashkëshortit të saj kundër autoriteteve ruse.
Në të njëjtën kohë, ajo akuzoi Vladimir Putinin për vrasjen e burrit të saj në një burg të largët dhe premtoi se ai dhe autorët e tjerë të dyshuar do të ndëshkoheshin. /vizionplus.tv
