Bekim Qoku: Struga ka qenë e kapluar nga bandat dhe mafia urbane, të mbështetet Mendi Qyra
Bekim Qoku, koordinator i grupit parlamentar të VLEN, në tubimin e sontëm në Strugë bëri një krahasim me strukturat politike që kanë qeverisur për 23 vite me institucionet e vendit, njashtu edhe në nivel lokal.
“Nuk mund të mos bësh krahasim kur e sheh Strugën të kapluar nga qentë endacakë, nga bandat e fuqishme, mafia urbane, mungesa e ujit, investimeve, çerdheve e rrugëve, deponia që na helmon gjithnjë e më shumë”, theksoi Qoku.
Ai tha se duhet të mbështet Qyra, si një menaxhues dhe biznesmen i suksesshëm.
“Përveç punës së tij të suksesshme në sferën e biznesit, Odën ekonomike të Maqedonisë Veriperëndimore (OEMVP) e ktheu në një organizatë me shumë renome, pra edhe qytetin edhe komunën do ta bëjë të tillë”, tha mes tjerash Qoku.