Robert Zguro është fituesi i çmimit të parë të spektaklit të talenteve “Gjeniu i Madh”.
Me një vendim unanim nga të katër anëtarët e jurisë, Roberti u zgjodh zëri më i mirë mes 9 finalistëve të edicionit të parë.
Së bashku me Robertin në katërshen finaliste dolën dhe tre konkurrentët e tjerë Fjorentin Dore, Fatjon Konxholli dhe Roland Bregu, të cilët spikatën përgjatë 12 javëve në interpretimet e tyre të veçanta.
Produksioni i gjeniut për shkak të talenteve të shumtë që ky edicion kishte, ngjiti në skenë 9 finalistë. Mbrëmja nisi me interpretimin e të gjithë pjesëmarrësve, nga të cilët juria zgjodhi vetëm 4 për të vijuar sfidat dyshe.
Edhe përzgjedhja në raundin e dytë të sfidave sërish vuri jurinë përballë vështirësive për të zgjedhur zërin më të mirë.
Për më shumë se tre orë në ekranin e Vizion Plus u prezantua një gare magjike plot emocione të forta, ku surprizë ishte interpretimi për herë të parë i moderatores Eva Murati.
Në 12 javë rrugëtim në Vizion Plus, Gjeniu i Madh ngjiti në skenë 15 konkurrentë, të cilët tashmë kanë hedhur një hap të rëndësishëm në karrierën e tyre muzikore.
