Akuzat/ Koreja e Veriut hedh dy raketa balistike

Pinterest LinkedIn Tumblr +
Akuzat/ Koreja e Veriut hedh dy raketa balistike

Koreja e Veriut hodhi dy raketa balistike në det, thanë Shefat e Përbashkët të Koresë së Jugut.

Sipas tyre, raketat u hodhën të mërkurën drejt ujërave të bregut lindor të Gadishullit Korean.

Në një deklaratë të lëshuar për media thuhet se autoritetet e inteligjencës jug-koreane dhe amerikane janë duke i analizuar detajet, ndërsa Koreja e Jugut ka forcuar pozicionin e saj mbikëqyrës kundër Koresë së Veriut.

Hedhja e raketave vjen pak ditë pasi Koreja e Veriut tha se ka testuar raketa lundrimi me rreze të gjatë veprimi.

Advertisement

Agjencia shtetërore e lajmeve KCNA i cilësoi ato si “armë strategjike me rëndësi të madhe”.

KCNA tha se raketat kanë goditur me sukses objektivat, gjatë provave më 11 dhe 12 shtator, dhe “më pas kanë rënë në ujërat territoriale të vendit”.

Ushtria amerikane tha se provat e kryera nga Koreja e Veriut në fundjavë paraqesin “kërcënime” për fqinjët e këtij vendi dhe më gjerë.

Koreja e Veriut është nën sanksione ndërkombëtare për armët e saj bërthamore dhe programet e raketave balistike, për të cilat thotë se i duhen për të mbrojtur veten kundër pushtimit të mundshëm amerikan.

Advertisement

Por, Phenjanit nuk i ndalohet të zhvillojë raketa lundrimi.

Share.

Comments are closed.

Copyright © 2021 Struga.info | Privacy policy