Amerika voton/ Trump: Fitorja e sigurtë, Biden: Askush se vjedh dot votën

Pinterest LinkedIn Tumblr +
Amerika voton/ Trump: Fitorja e sigurtë, Biden: Askush se vjedh dot votën

Nga ora 5 e mëngjesit të kësaj të marte janë hapur qendrat e votimit, në ditën zyrtare të zgjedhjeve që do të përcaktojnë kreun e shtëpisë së bardhë për katër vitet e ardhshme. Rreth 100 milionë qytetarë amerikanë votuan në procesin e hershëm, duke thyer kështu rekordet e një shekulli për pjesëmarrjen në votime.

 

Dy kandidatët presidencialë mbyllën fushatën mbrëmjen e së hënës në dy shtete kyçe për vendimin e kolegjit zgjedhor. Nga Michigan, presidenti Donald Trump deklaroi se ndihet i sigurt në të gjitha shtetet vendimtare.

 

Advertisement

DONALD TRUMP

PRESIDENT I SHBA

 

“Jemi shumë mirë në Florida, po ashtu në Uisconsin, dhe sigurisht në Texas. Xho Biden është kundër armëve, naftës dhe Zotit. Kjo nuk është politikë e mirë për Texasin. Po shkojmë shumë mirë në të gjitha shtetet, kemi përmbushur premtimet tona dhe fitorja nuk do të jetë surprizë. ”

Advertisement

 

Pas Kalifornisë me 55 vota në kolegjin zgjedhor, shteti i Texasit siguron 38 të tilla. Në Karolinën e Veriut, Trump u tha mbështetësve se viti i ardhshëm do të jetë viti më i madh ekonomik në historinë e vendit .Ndërsa në Pensilvani, kujtoi fitoren e vitit 2016, pavarësisht sondazheve që sugjeronin se do të humbte.

 

Ndërkohë kundërshtari demokrat, Joe Biden qëndroi në Pitsburg, Pensilvani ku u shoqërua edhe nga këngëtarja Lady Gaga si dhe John Legend.Ai ftoi amerikanët të votojnë për një komb të bashkuar.

Advertisement

 

JOE BIDEN

ISH ZV/PRESIDENT I SHBA

 

Advertisement

“Sado të përpiqet, Donald Trump nuk do të mundet që të vjedhë votën tuaj. Nëse Amerika voton, zëri i saj do të dëgjohet. Ka ardhur koha që Donald Trump të largohet. Nuk duam më ndarje por shërimin e këtij populli. Jemi lodhur me zemërimin, urrejtjen, dështimin dhe papërgjegjësinë”.

 

Rezultatet nuk pritet të shpallen zyrtarisht për disa javë nga dita e zgjedhjeve.

 

Advertisement

Afatet ndryshojnë nga shteti në shtet. Disa pritet t’i bëjnë ato të ditura brenda një jave, por shumë prej tyre duhet të presin për shpalljen e rezultateve përfundimtare deri në fund të nëntorit apo në fillim të muajit dhjetor.

Share.

Comments are closed.

Copyright © 2024 Struga.info | Privacy policy