Presidenti Donald Trump e ka refuzuar vendimin e komisionit jopartiak për Debatet Presidenciale që përballja e dytë Trump-Biden të zhvillohej virtualisht. Pas kësaj komisioni deklaroi anulimin zyrtar të debatit të dytë presidencial që ishte planifikuar të mbahej më 15 tetor.
Ndërkohë pasi mjeku i presidentit tha se Trump mund të rikthehej i sigut në aktivitete publike duke filluar nga kjo e shtunë, kreu i shtëpisë së bardhë në mbrëmje ka planifikuar një tubim në “Kopshtin e Trëndafilave ” ku do të flasë për rendin dhe ligjin.
Të gjithë të pranishmit janë udhëzuar të mbajnë maskë dhe duhet t’i nënshtrohen një kontrolli për Covid-19.
Donald Trump gjithashtu ka bërë të ditur se nga e hëna do të marrë pjesë në një aktivitet fushate në Florida, i pari jashtë Uashingtonit, që kur presidenti u diagnostikua me koronavirus javën e kaluar.
Anulohet debati i dytë Presidencial në SHBA shkruan Vizion Plus.
