BE diskuton rihapjen për turizmin paneuropian

Pinterest LinkedIn Tumblr +

Ministri i Jashtëm gjerman, Heiko Maas do të diskutojë sot me homologët e tij të Bashkimit Europian për trajtimin e çështjes së lehtësimit gradual të masave për të parandaluar përhapjen e koronavirusit dhe për rihapjen e turizmit veror.

Maas do të marrë pjesë në një video-konferencë me ministrat e Jashtëm të Spanjës, Italisë, Austrisë, Greqisë, Kroacisë, Portugalisë, Maltës, Sllovenisë, Qipros dhe Bullgarisë, ku do të synojnë koordinimin për rihapjen e kufijve të tyre për turistët.

Maas planifikon të lehtësojë gradualisht kufizimet dhe të lehtësojë udhëtimet drejt vendeve europiane për sa kohë që numri i infeksioneve nuk po rritet.

Ministrat do të diskutojnë në një kohë kur Komisioni Europian, para disa ditësh, nxori udhëzimet e nevojshme për të trajtuar turizmin në mes të krizës shëndetësore.

Advertisement

Qeveritë parashikojnë që njerëzit të jenë në gjendje të bëjnë pushimet verore në shumë pjesë të Europës.

“Ekziston një shans i mirë që ne do të jemi në gjendje të udhëtojmë jo vetëm në Gjermani, por jashtë vendit për në Europë, këtë verë”, theksoi zyrtari përgjegjës i qeverisë gjermane për turizmin, Thomas Bareiss për gazetën ”Stuttgarter Zeitung”.

Bareiss theksoi se ”ishte i bindur se alarmi global i udhëtimit do të jetë thjesht një histori pas 14 qershorit”.

Advertisement
Share.

Comments are closed.

Copyright © 2021 Struga.info | Privacy policy