BE ka arritur marrëveshjen me laboratorët e Pfizer/BionTech për sigurimin dhe shpërndarjen e 4 milionë dozave të tjera të vaksinave kundër COVID.
Presidentja e Komisionit Evropian, Ursula von der Layen deklaroi se dërgesa pritet të arrijë në vendet e BE-së deri në fund të muajit mars.
Në njoftimin e Komisionit Evropian thuhet se dozat e kësaj vaksine do të shpërndahen në proporcion me numrin e banorëve të vendeve anëtare.
“Kjo do të ndihmojë vendet anëtare në tentativat e tyre për të kapërcyer përhapjen e varianteve të reja të virusit dhe do të kontribuojë në rivendosjen e lëvizjes së lirë të njerëzve dhe mallrave”, u shpreh Ursula von der Layen.
Advertisement
