Presidenti amerikan, Joe Biden tha se spitali Al Shifa në qytetin e Gazës duhet të mbrohet. Al Shifa gjendet prej tre ditësh pa energji elektrike dhe ujë, ndërsa të shtënat dhe bombardimet jashtë kompleksit e bëjnë situatën të vështirë.
“Shpresa dhe pritshmëria ime është që do të ketë më pak ndërhyrje në zonën e spitalit,” u tha presidenti amerikan gazetarëve kur u pyet nëse ai kishte ngritur shqetësime për këtë çështje me qeverinë izraelite. “Spitali duhet mbrojtur”, theksoi ai.
Nga ana tjetër, këshilltari amerikan për sigurinë kombëtare, Jake Sullivan tha se Izraeli ndan pikëpamjen e Shtëpisë së Bardhë se luftimet pranë spitaleve të Gazës duhet të shmangen.
Ai gjithashtu vuri në dukje se qeveria izraelite ka garantuar se është e gatshme të sigurojë karburant për spitalet në mënyrë që të sigurojë funksionimin e tyre.
