Dhjetëra të arrestuar për sulmin në Stamboll

Pinterest LinkedIn Tumblr +

Ministri i Brendshëm i Turqisë, Suleyman Soylu, tha se policia e këtij vendi ka arrestuar 22 persona të dyshuar për sulmin e së dielës në Stamboll.

 

Në mesin e të arrestuarve, Soylu tha se është edhe personi që ka vendosur bombën.

 

Advertisement

Ai nuk dha më shumë detaje për ta, por akuzoi Partinë e Punëtorëve të Kurdistanit – një grup militant – për sulmin.

 

Së paku gjashtë persona u vranë dhe 81 u plagosën nga shpërthimi në një zonë të frekuentuar të Stambollit.

 

Advertisement

Sipas autoriteteve, shpërthimi ndodhi pasditen e së dielës në Sheshin Taksim.

 

Zëvendëspresidenti turk, Fuat Oktay, tha se incidenti besohet të jetë sulm terrorist, i kryer nga një grua.

 

Advertisement

Presidenti Recep Tayyip Erdogan tha se autorët do të ndëshkohen.

 

Duke folur në një konferencë për media në Stamboll, ai e dënoi, siç tha, “sulmin e poshtër” dhe shtoi se “era e terrorit” është në ajër.

 

Advertisement

Përgjegjësinë për sulmin deri më tash nuk e ka marrë asnjë grup.

Partia e Punëtorëve të Kurdistanit, të cilën e akuzoi ministri i Brendshëm turk, është një grup militant që bën thirrje për shtet të pavarur kurd brenda Turqisë.

 

BE-ja dhe SHBA-ja e konsiderojnë atë si organizatë terroriste.

Advertisement

 

Ministrja për Familje dhe Shërbime Sociale e Turqisë, Derya Yanik, shkroi në Twitter se një punonjës i ministrisë dhe vajza e tij janë në mesin e viktimave.

 

Sulmi u dënua nga përfaqësues të disa vendeve të botës.

Advertisement

 

Sipas një deklarate të sekretares për media të Shtëpisë së Bardhë, Karine Jean-Pierre, Shtetet e Bashkuara qëndrojnë “krah për krah” me aleatin e tyre të NATO-s në “luftën kundër terrorizmit”.

 

“Ne ndajmë dhimbjen tuaj… Ne jemi me ju në luftën kundër terrorizmit”, shkroi presidenti i Francës, Emmanuel Macron, në Twitter.

Advertisement

 

Vende, përfshirë Ukrainën, Pakistanin, Italinë dhe Greqinë, shprehën gjithashtu solidaritetin e tyre./rel

Share.

Comments are closed.

Copyright © 2022 Struga.info | Privacy policy