E zbulon “Washington Post”/ Izraeli gati të nisë operacionin ushtarak tokësor kundër Hamasit

Shtetet e Bashkuara presin që Izraeli të nisë një operacion të madh tokësor kundër Hamasit në Gaza në 24 deri në 48 orët e ardhshme.

Këtë e raporton Washington Post, duke cituar disa burime, sipas të cilave Izraeli ka kërkuar nga Shtetet e Bashkuara raketa për Kupolën e Hekurt, bomba me diametër të vogël, municion automatiku dhe bashkëpunim më të madh në ndarjen e informacionit të inteligjencës.

Autoritetet izraelite bene te ditur se “më shumë se 500 objektiva” të Hamasit u goditën gjatë natës midis sulmeve ajrore dhe predhave të artilerisë në Rripin e Gazës.

 “Gjatë natës, avionë luftarakë, helikopterë, avionë dhe artileri goditën më shumë se 500 objektiva të terroristëve të Hamasit dhe Xhihadit Islamik”, tha ushtria në një deklaratë.