Presidenti i Turqisë, Rexhep Tajip Erdogan deklaron se vendi i tij mund të bëhet një nga shtetet me rezervat më të mëdha të gazit natyror, duke përmeduar zbulimin e fundit në Detin e Zi.
Erdogan tha para publikut se vendi ka bërë gjithashtu përparime të mëdha në zhvillimin e potencialeve të tjera diellore dhe të energjisë të rinovueshme. Sipas tij, ulja e çmimit të gazit natyror do të ketë një ndikim pozitiv në të ardhmen jo vetëm në buxhetin e njerëzv, por edhe në zhvillimin e të gjithë sektorëve.
Sa i përket tentativave të Grerqisë për të bllokuar të drejtat turke për eksplorimin e hidrokarbureve në rajon, lideri turk u shpreh se “nuk do të tërhiqemi kur bëhet fjalë për aktivitetet e anijes së dedikuar të sondazhit sizmik “Oruc Reis” dhe marinës që e shoqëron atë. Ai theksoi se Greqia do të jetë fajtorja e vetme për gjithçka të keqe që mund të ndodhë në rajon dhe do të jetë e vetmja që do të pësojë dëme.
Erdogan paralajmëron Greqinë: Ne nuk do të tërhiqemi, do e pësosh shkruan Vizion Plus.
