Gjermania nis lehtësimin e masave, rihap disa shkolla

Pinterest LinkedIn Tumblr +

Nxënësit e shkollave fillore, në më shumë se gjysmën e 16 landeve të Gjermanisë, u janë kthyer të hënën bankave të shkollës, pas pothuajse dy muajve të mësimit nga shtëpitë.

Ky njëherësh përbën lehtësimin e parë të masave kufizuese të zbatuara në Gjermani, me qëllim të luftimit të pandemisë.

Kopshtet për fëmijë janë hapur po ashtu.

Ky vendim është miratuar në një takim në mes të kancelares gjermane, Angela Merkel dhe guvernatorëve shtetërorë dy javë më parë, pavarësisht shenjave se numri i të infektuarve me koronavirus mund të rritet sërish.

Advertisement

Ministrja gjermane e Edukimit Anja Karliczek, ka mbrojtur vendimin për rihapje të shkollave, duke thënë se fëmijët në veçanti përfitojnë duke mësuar nëpër grupe.

Shkollat duhet të përdorin “të gjitha mjetet e qasshme për të parandaluar përhapjen e virusit”, ka thënë Karliczek për agjencinë e lajmeve dpa.

Nxënësve u është kërkuar që të vendosin maskën nëpër klasa, derisa disa fëmijë do të mund të vazhdojnë mësimin nga shtëpitë, për të shmangur numrin e madh të fëmijëve nëpër hapësira të njëjta.

Zyrtarët kanë bërë thirrje për instalim të pajisjeve për filtrim të ajrit nëpër të gjitha klasat.

Advertisement

Deri më tani pak përparim është parë në atë drejtim dhe mësuesit detyrohen të hapin vazhdimisht dritaret për të shmangur infektimin potencial.

Gjermania mbetet nën izolim deri më 7 mars, derisa parukeritë është thënë se do të mund të nisin punën nga 1 marsi./ Rel

Share.

Comments are closed.

Copyright © 2021 Struga.info | Privacy policy