Policia holandeze ka shpërndarë një protestë jashtë një baze ushtarake ku strehohen shtetasit afganë të evakuuar.
Protestuesit dogjën gomat e makinave të martën jashtë bazës në fshatin qendror të Harskamp, 85 kilometra në lindje të Amsterdamit, ndërsa bërtisnin nën sloganin “Njerëzit tanë të parët” dhe “Harskamp na përket ne”, raportuan mediat holandeze.
Për të shpërndarë turmën prej 250 personash që ishin mbledhur para objektit të ushtrisë autoritetet përdorën mbajtëset e qenve.
Sipas një zëdhënëseje të policisë, oficerët nuk arrestuan dhe gjobitën askënd në demonstratën e së martës mbrëma.
Protesta është dënuar si nga ministri i jashtëm holandez Sigrid Kaag ashtu edhe nga ministri i mbrojtjes Ank Bijleveld.
“Është e tmerrshme, këta njerëz duhet të shikojnë televizion dikur për të parë se çfarë po ndodh në pjesët e tjera të botës,” tha Bijleveld.
Qindra afganë kanë mbërritur në Holandë ditët e fundit pasi u dëbuan nga aeroporti i Kabulit. Ata janë duke u vendosur në tre baza ushtarake, përfshirë 800 të evakuuar në bazën në Harskamp, ndërkohë që një kamp i katërt po përgatitet nga ushtria pranë Nijmegen, tha Ministria e Mbrojtjes.
