Shtetet e Bashkuara të Amerikës rikonfirmuan mbështetjen për protestat që po zhvillohen në Iran, e që synojnë rrëzimin e regjimit, për ta kthyer vendim në një republikë demokratike.
Në samitin e zhvilluar në Uashington, ish-zëvendëspresidenti i SHBA-së, Mike Pence, tërhoqi vëmendjen edhe për një marrëveshjeje bërthamore të rinovuar me Iranin.
MIKE PENCE
ISH-ZV.PRESIDENT I SHBA
“E di që flas në emër të dhjetëra miliona amerikanëve të të dyja partive politike dhe të çdo filozofie politike, kur them se populli amerikan mbështet qëllimin e popullit Iranian për të krijuar demokratike. Një marrëveshje bërthamore e rinovuar nuk do të sjellë paqe dhe stabilitet por më shumë terrorizëm, vdekje dhe shkatërrim . Një marrëveshje bërthamore e rinovuar nuk do t’i sjellë dobi popullit të Iranit në asnjë mënyrë.”
Advertisement
Pence i bëri gjithashtu thirrje administratës Biden, të ndërpresë të gjitha përpjekjet në mbështetje të negociatave bërthamore me Teheranin dhe të qëndrojë përkrah popullit të Iranit.
Prej shumë muajsh, në qytete të ndryshme të Iranit janë zhvilluar protesta, që kanë sjellë përplasje të ashpra me forcat e rendit, e madje edhe viktima.
