Italia prezantoi këtë të martë të dhënat e fazës së parë të vaksinës italiane ReiThera. 100 qytetarë morën pjesë vullnetarisht në provën e vaksinës, 45 prej të cilëve ju dhanë doza të ndryshme. Ata zhvilluan antitrupa kundër koronavirusit në masën 92.5%.
“Vaksina është me një dozë të vetme dhe nuk ka patur ndonjë efekt serioz negative në 28 ditët pas vaksinimit”, tha eksperti Giuseppe Ippolito.
Kurse presidenti i kompanisë ReiThera, Antonella Folgore tha se synohet prodhimi i 100 milionë dozave në vit.
“Vaksina është e qëndrueshme në një temperaturë midis 2 dhe 8 gradë Celcius”, shtoi ai.
Ministri i Shëndetësisë në Itali, Roberto Speranza tha se ky është një lajm mjaft inkurajues. Sipas tij, nëse të dhënat e marra deri tani konfirmohen edhe në fazat e tjera, atëherë brenda disa mujave Italia do të ketë një vaksinë të sigurt dhe efektive.
