Presidenti rus Vladimir Putin dhe ai amerikan Joe Biden kanë pranuar në parim të takohen në një samit të propozuar nga homologu i tyre francez Emmanuel Macron.
Ishte Franca që e njoftoi takimin duke shpjeguar se samiti do të përfshinte më pas “të gjitha palët e përfshira” dhe do të fokusohej në “sigurinë dhe stabilitetin strategjik në Evropë”.
Përgatitjet për takimin SHBA – Rusi do të fillojnë të enjten. Ndërkohë zëdhënësja e Shtëpisë së Bardhë tha se Rusia duket se po vazhdon përgatitjet për një sulm në shkallë të gjerë mbi Ukrainën.
Ajo shtoi se Shtetet e Bashkuara janë gjithmonë të gatshme të imponojnë sanksione të shpejta dhe të rënda nëse Rusia zgjedh luftën. Në rajonet lindore vijojnë përplasjet e armatosura ku deri tani kanë humbur jetën 2 ushtarë dhe 3 civilë.
