Julian Deda tregon zemërimin: Ne artistëve na kanë shumëzuar me zero, janë shtazë dhe kafshë totalisht se ne po japim shpirtin për të kënaqur njerzit

Pinterest LinkedIn Tumblr +

Pasi kritikoi aktorët që mendojnë ndryshe nga ai, Julian Deda, ka reaguar sërish.

Në studion e lajmeve në Ora News, ai tha se disa artistë agresohen, dhunohen dhe arrestohen sikur të ishin kriminelë.

Sipas tij, kemi të bëjmë me një shtet jo njerëzor por shtet shtazë.

”Në historinë tonë të gjatë e të dhunshme sidomos të këtyre 30 viteve të fundit, kemi parë shumë situata të papëlqyeshme.

Advertisement

Kemi parë të agresohen, të arrestohen, të rrihen të dhunohen njerëz të zakonshëm. Kemi parë të arrestohen, të rrihen, të dhunohen gazetarë.

Por tani kemi arritur kulmin sepse sapo pamë që u agresuan, u rrahën dhe u arrestuan aktorë.

Një gjë që nuk ndodh në asnjë vend të planetit, përkundrazi këta njerëz respektohen dhe këshillohesh me ta. Ndërsa ne këtu çfarë bëjmë? Ne i agresojmë, i vejmë në presion, i tërheqim zvarrë, i arrestojmë.

Pra kë? Ata njerëz që gjithë karrierën e tyre, gjithë shpirtin e tyre, gjithë mendjen e tyre, gjithë zemrën e tyre e shkrijnë për të dhënë kënaqësi. Për të dhënë mesazhe dhe për të argëtuar njerëz.

Advertisement

Neve çfarë i bëjmë? Ne jo vetëm i shumëzojmë me zero, por i agresojmë, i marrim i arrestojmë sikur të ishin kriminelë.

Kë? Artistët. Besoj se kjo është mjaftueshëm për të treguar se këtu ka arritur kulmi. Këtu nuk kemi të bëjmë me një shtet njerëzor por sot mund ta shohi çdo qytetar i Shqipërisë që kemi të bëjmë me një shtet shtazë, kafshë totalisht kafshë, nuk stepet përpara asgjëje.”

Share.

Comments are closed.

Copyright © 2021 Struga.info | Privacy policy