Kremlini: Marrëdhëniet me NATO-n kanë shkuar drejt konfliktit të hapur

Pinterest LinkedIn Tumblr +
Kremlini: Marrëdhëniet me NATO-n kanë shkuar drejt konfliktit të hapur

Marrëdhëniet midis Rusisë dhe Organizatës së Traktatit të Atlantikut të Veriut (NATO) janë në nivelin e konfrontimit të drejtpërdrejtë, tha Dmitry Peskov mesditën e së enjtes në një konferencë të rregullt për shtyp nga Kremlini.

Sekretari i shtypit i presidentit rus Vladimir Putin ka pohuar se “marrëdhëniet ruso-NATO janë acaruar për shkak të agresionit të dyshuar të NATO-s përmes Ukrainës.”

“Në fakt, këto marrëdhënie tani kanë rënë në nivelin e konfrontimit të drejtpërdrejtë. Në të vërtetë, vendet e NATO-s, vetë aleanca tashmë janë përfshirë në konfliktin rreth Ukrainës. NATO vazhdon lëvizjen e saj drejt kufijve tanë, zgjerimin e infrastrukturës së saj ushtarake drejt kufijve tanë”, tha Peskov.

Kujtojmë se i ashtuquajturi “operacion special ushtarak” kundër Ukrainës nga shkurti 2022 kishte për qëllim të pengonte NATO-n të afrohej me kufirin rus, ndaj deklarata e mësipërme mund të merret edhe si një pranim i dështimit të përpjekjes për të ndaluar ambiciet e NATO-s sipas retorikës së Moskës.

Advertisement

Peskov gjithashtu e quajti NATO-n një faktor destabilizues në kontinentin evropian që nuk kontribuon për sigurinë./vizionplus.tv

Share.

Comments are closed.

Copyright © 2023 Struga.info | Privacy policy