Tensionet mes Polonisë dhe Bjellorusisë përsa i përket pranisë së emigrantëve në kufirin mes dy vendeve, ka bërë që autoritetet polake të vendosin për ndërtimin e një muri në dhjetor.
Mediat e huaja bëjnë me dije se qeveria polake së fundmi ka vendosur që në kuadër të krizës së emigrantëve të ndërtohet nga mesi i vitit 202, një mur që do të ishte i gjatë 180 kilometra dhe 5,5 metra e lartë.
Veprimi që do të zbatohet përmes ndërtimit të një barriere në kufirin me Bjellorusinë “është një investim absolutisht strategjik dhe prioritar për sigurinë e kombit dhe qytetarëve të tij”, ka thënë ministri i Brendshëm i Varshavës, Mariusz Kaminski.
Ndërkohë pritet që kontrata për nisjen e murit të firmoset me 15 dhjetor dhe puna në kufi do të nisë në fund të këtij muaji, 24 orë në ditë me tre turne.
Barriera ka një kosto të vlerësuar prej 353 milionë euro dhe pritet të shtrihet 180 kilometra, rreth gjysma e gjatësisë totale të kufirit Polako-Bjellorusi.
