Lot dhe emocione/ Babai takon djalin e tij pas 58 vitesh, u rrëmbye në një stacion hekurudhor

Një 90-vjeçar kinez, i quajtur Luo u takua me djalin e tij, të identifikuar si Fu, tani 60 vjeç, në qytetin Zaozhuang në provincën lindore të Kinës, Shandong.

Ky i fundit u rrëmbye në moshën 2-vjeçare në një stacion hekurudhor në rrethin e Xuecheng në 1963.

Ai besohet të jetë rrëmbyer nga trafikantë, ku më pas u birësua nga një çift.

Luo dhe familja e tij kërkuan Fu për vite me radhë, duke përdorur gazeta, media të tjera dhe më vonë internetin.

Departamenti i sigurisë publike në Zaozhuang hapi një hetim të veçantë, duke përdorur teknologjinë më të fundit të testimit të ADN-së në dispozicion dhe zgjeroi kërkimin në provincat e tjera kineze.

Ata përfundimisht gjetën Fu më 1 qershor pasi konfirmuan një përputhje të ADN-së midis çiftit.