Lufta në Ukrainë, vriten dy vullnetarët francezë

Pinterest LinkedIn Tumblr +
Lufta në Ukrainë, vriten dy vullnetarët francezë

Dy vullnetarë francezë u vranë dhe disa njerëz u plagosën lehtë të enjten gjatë një sulmi rus në Berislav, afër Kherson në jug të Ukrainës, njoftuan autoritetet lokale.

Vullnetarët e huaj u vranë në sulmin rus në Berislav, shkroi në Telegram guvernatori i rajonit Kherson, Oleksandr Prokudin.

“Ushtria ruse vrau dy shtetas francezë. Tre të huaj të tjerë u plagosën lehtë, si dhe një ukrainas”, tha Prokudin, i cili nuk specifikoi funksionet e sakta të vullnetarëve.

Në Ukrainë, termi “vullnetarë” përdoret shpesh për t’iu referuar punëtorëve të organizatave humanitare.

Advertisement

Policia ukrainase deklaroi gjithashtu se në sulmin me dron u vranë dy burra me kombësi franceze dhe se tre burra dhe një grua u plagosën.

Policia njoftoi hapjen e një hetimi për shkelje të ligjeve dhe zakoneve të luftës.

Berislav, i cili para luftës kishte rreth 12,000 banorë, ndodhet në bregun verior të lumit Dnieper, afër vijës së frontit. /vizionplus.tv

Advertisement
Share.

Comments are closed.

Copyright © 2023 Struga.info | Privacy policy