Nuk reshtin protestat kundër vdekjes së 46-vjecarit të paarmatosur me ngjyrë, George Floyd në duart e disa policëve të bardhë në Minneapolis.
Gjatë natës, Gara Kombëtare dhe policia lokale arritën të vënë pak rregull në zonën në qytetit të shkatërruar prej dy netë protestash të dhunshme.
Forcat e rendit mbushën East Lake Street duke avanasuar nga tre krahë, e duke bllokuar aty qindra të rinj. Por shpejt, protestat shpërthyen sërish mëngjesin e sotëm, të shoqëruara edhe me shumë arrestime.
Nisur nga situata ë krijuar, në disa qytete është vendosur gjendja e shtetrrethimit në përpjekje për të fashitur dhunën. Në mbarë këto zona, disa makinave të policisë u është vënë flaka dhe efekvitët janë përgjigjur me gaz lotsjellës e plumba gome.
Presidenti Trump fajësoi për dhunën ata që i “përshkroi si grabitës e anarkisë”. Në chicago, turma qëlloi me gurë mbi forcat speciale, e në Los Angeles, policët përdorën plumbat e gomës në përpjekje për të frenuar tubuesit e egërsuar.
Associated Press njofton se afro 1.400 njerëz janë arrestuar në 17 qytete që nga e enjtja. Më shumë se një e treta e arrestimeve ishin të premten në Los Angeles.
